Hanuman Chalisa Lyrics - Shankar Mahadevan

ॐ ।। श्री हनुमान चालीसा ।। ॐ 

॥दोहा॥ 

श्रीगुरु चरन सरोज रज निज मनु मुकुरु सुधारि । 

बरनउँ रघुबर बिमल जसु जो दायकु फल चारि ॥ 

बुद्धिहीन तनु जानिके सुमिरौं पवन-कुमार । 

बल बुधि बिद्या देहु मोहिं हरहु कलेस विकार ॥ 

॥चौपाई॥ 

जय हनुमान ज्ञान गुन सागर । 

जय कपीस तिहुँ लोक उजागर ॥ 

राम दूत अतुलित बल धामा । 

अञ्जनि-पुत्र पवनसुत नामा ॥ 

महाबीर बिक्रम बजरंगी । 

कुमति निवार सुमति के सङ्गी ॥ 

कञ्चन बरन बिराज सुबेसा । 

कानन कुण्डल कुञ्चित केसा ॥ 

Related 

15 Huge Stars Who Were Backup Singers First 

NEW SONG: Miley Cyrus - 'Slide Away' - LYRICS 

HOT SONG: Lil Nas X - 'Panini' - LYRICS 

हाथ बज्र औ ध्वजा बिराजै । 

काँधे मूँज जनेउ साजै ॥ 

शंकर सुवन केसरीनन्दन । 

तेज प्रताप महा जग बन्दन ॥ 

बिद्यावान गुणी अति चातुर । 

राम काज करिबे को आतुर ॥ 

प्रभु चरित्र सुनिबे को रसिया । 

राम लखन सीता मन बसिया ॥ 

जय हनुमान, जय हनुमान, रामदूत जय जय हनुमान... 

सूक्ष्म रूप धरि सियहिं दिखावा । 

बिकट रूप धरि लंक जरावा ॥ 

भीम रूप धरि असुर सँहारे । 

रामचन्द्र के काज सँवारे ॥ 

लाय सञ्जीवन लखन जियाये । 

श्रीरघुबीर हरषि उर लाये ॥ 

रघुपति कीह्नी बहुत बड़ाई । 

तुम मम प्रिय भरतहि सम भाई ॥ 

Check Out 

HOT SONG: Camila Cabello - 'Liar' - LYRICS 

Songs You Love If You Love Nerds 

LATEST SONG: Charlie Puth - 'Mother' - LYRICS 

Songs That Will Make You Cry Uncontrollably 

सहस बदन तुह्मारो जस गावैं । 

अस कहि श्रीपति कण्ठ लगावैं ॥ 

सनकादिक ब्रह्मादि मुनीसा । 

नारद सारद सहित अहीसा ॥ 

यम कुबेर दिगपाल जहाँ ते । 

कबि कोबिद कहि सके कहाँ ते ॥ 

तुम उपकार सुग्रीवहिं कीह्ना । 

राम मिलाय राज पद दीह्ना ॥ 

जय हनुमान, जय हनुमान, रामदूत जय जय हनुमान... 

तुह्मरो मन्त्र विभीषण माना । 

लंकेश्वर भए सब जग जाना ॥ 

जुग सहस्र योजन पर भानु । 

लील्यो ताहि मधुर फल जानू ॥ 

प्रभु मुद्रिका मेलि मुख माहीं । 

जलधि लाँघि गये अचरज नाहीं ॥ 

दुर्गम काज जगत के जेते । 

सुगम अनुग्रह तुह्मरे तेते ॥ 

राम दुआरे तुम रखवारे । 

होत न आज्ञा बिनु पैसारे ॥ 

सब सुख लहै तुह्मारी सरना । 

तुम रच्छक काहू को डर ना ॥ 

आपन तेज सह्मारो आपै । 

तीनों लोक हाँक तें काँपै ॥ 

भूत पिसाच निकट नहिं आवै । 

महाबीर जब नाम सुनावै ॥ 

जय हनुमान, जय हनुमान, रामदूत जय जय हनुमान... 

नासै रोग हरै सब पीरा । 

जपत निरन्तर हनुमत बीरा ॥ 

संकट तें हनुमान छुड़ावै । 

मन क्रम बचन ध्यान जो लावै ॥ 

सब पर राम तपस्वी राजा । 

तिन के काज सकल तुम साजा ॥ 

और मनोरथ जो कोई लावै । 

सोई अमित जीवन फल पावै ॥ 

चारों जुग परताप तुह्मारा । 

है परसिद्ध जगत उजियारा ॥ 

साधु सन्त के तुम रखवारे । 

असुर निकन्दन राम दुलारे ॥ 

अष्टसिद्धि नौ निधि के दाता । 

अस बर दीन जानकी माता ॥ 

राम रसायन तुह्मरे पासा । 

सदा रहो रघुपति के दासा ॥ 

जय हनुमान, जय हनुमान, रामदूत जय जय हनुमान... 

तुह्मरे भजन राम को पावै । 

जनम जनम के दुख बिसरावै ॥ 

अन्त काल रघुबर पुर जाई । 

जहाँ जन्म हरिभक्त कहाई ॥ 

और देवता चित्त न धरई । 

हनुमत सेइ सर्ब सुख करई ॥ 

संकट कटै मिटै सब पीरा । 

जो सुमिरै हनुमत बलबीरा ॥ 

जय जय जय हनुमान गोसाईं । 

कृपा करहु गुरुदेव की नाईं ॥ 

जो सत बार पाठ कर कोई । 

छूटहि बन्दि महा सुख होई ॥ 

जो यह पढ़ै हनुमान चालीसा । 

होय सिद्धि साखी गौरीसा ॥ 

तुलसीदास सदा हरि चेरा । 

कीजै नाथ हृदय महँ डेरा ॥ 

जय हनुमान, जय हनुमान, रामदूत जय जय हनुमान... 

॥दोहा॥ 

पवनतनय संकट हरन मंगल मूरति रूप । 

राम लखन सीता सहित हृदय बसहु सुर भूप ॥