Bälpmoos Lyrics - Patent Ochsner

I stah jede Tag d usse, gseh die Flüger cho u gah,häbe d'Nase i di chauti Morgeluft wo nach Trybstoff schmöckt.U dr Näbu chläbt über dr Schtarbahn,u uf dr Schtartbahn hocke Möwe,u ds Fäud isch wyss vom Ryf. 

I gseh us wie'ne Pilot i myre brune Bomerjagge 

U em wysse Sideschaau,i weiss es haargenau, i ha die Type lang gnue schtudiert.Scho aus chline Gieu bini Samschtig für Samschtig geng da usse gsy,I ha's scho denn gwüsst:Irgendeinisch gahn'i o. 

Bälpmoos, Bälpmoos - schpick mi furt vo hie.Bälpmoos, Bälpmoos - mir isch's glych wenn u wie. 

Es fahrt e schwarzi Limousine vor, u e gschalete Schofför 

Schleppt Goffere u schwäri Täsche umenang.U'ne rychi, runzlegi Sou im Pelz schtygt gschtabig us.Hey, dene ghört d'Wäut! 

Wenn i die Schance hätt u ds Gäut,i gieng a ds Kap der guten Hoffnung.I ha ir Schyzer Illuschtrierte einisch Biuder gseh.U när chämi nümme zrügg,hätt en'Insle u e Frou.U aues won'i miech würd i mache wüll i's wott,u nid wüll's angeri wie,ersch rächt nid wüll i müesst. 

Bälpmoos, Bälpmoos - schpick mi furt vo hie.Bälpmoos, Bälpmoos - mir isch's glych wenn u wie.